Leo klabu ya Yanga imesaini mkataba wa mwaka mmoja kampuni ya Silver General Investment inayojihusisha na uuzaji wa simu
Rais wa Yanga Injinia Hersi Said amesema kupitia makubaliano hayo, mashabiki na wanachama wa Yanga wanaweza kununua simu kutoka kampuni hiyo kwa gharama nafuu na kuweza kulipa kwa awamu
"Mwanachama na Shabiki wa Yanga ambaye anahitaji kukopeshwa simu anapaswa kutoa kiasi cha Tsh 75,000 na kiasi kinachobaki analipa kidogo kidogo"
"Ndani ya simu utapata App ya Yanga SC ambayo imelipiwa kwa miezi miwili na nusu. Natoa wito kwa Wanachama wa Yanga kuikimbilia fursa hii ikiwa ni sehemu ya kuunga mkono juhudi za Klabu yako"
"Wataalamu wetu wa Silver General Investment watatoa semina ya namna gani simu hizi za mkopo zinapatikana na zinapaswa kulipiwa. Kimsingi simu hizi hazitalipiwa kwa kutoa hela keshi. Watakuwa na mfumo maalum wa kulipia ili kuepukana na matapeli ambao wanaweza kuathiri biashara hii. Tutatumia matawi yetu kuratibisha mfumo mzima wa ukopeshwaji na ulipaji ili kudhibiti mwenendo mzima wa biashara hii," alisema Hersi
