Jana Kamati ya TFF ya Sheria na Hadhi za wachezaji ilisikiliza shauri la mchezaji Prince Dube dhidi ya Azam Fc kuhusu mgogoro wa mkataba
Dube anapinga madai ya Azam Fc kumuongeza mkataba utakaodumu mpaka mwaka 2026 baada ya mkataba wake wa sasa unaotarajiwa kufika tamati mwezi Julai 2024
Za ndani ni kuwa imebainika ni kweli mkataba wa Dube na Azam Fc unamalizika mwezi Julai mwaka huu na huo mkataba mpya wanaodai Azam Fc haupo katika mfumo wa usajili wa TFF
Kwa mujibu wa kanuni, ili mkataba uwe halali lazima usajiliwe na kuthibitishwa na TFF kinyume na hivyo mkataba huo hautambuliki
Kamati imeahidi kutoa hukumu ya sakata hilo siku ya Jumamosi ambapo Mwanasheria wa Dube; Respicius Didas amesema ana imani kuwa mteja wake atatendewa haki na Kamati
Mwezi uliopita Azam Fc ilitangaza kumuweka sokoni Dube huku ikidai tayari imepokea ofa mbili kutoka klabu za Simba na Al Hilal ya Sudan
Hata hivyo Dube alisisitiza hataki kuuzwa, anachohitaji ni kuvunja mkataba wake uliobaki ili ajiunge na timu anayoitaka yeye
