Jana Yanga ilijiweka katika nafasi nzuri ya kutwaa ubingwa wa ligi kuu ya NBC mapema baada ya ushindi wa bao 1-0 dhidi ya Kagera Sugar katika mchezo uliopigwa uwanja wa Azam Complex
Bao pekee la Yanga lilifungwa na Mudathir Yahya 'Mfalme wa Azam Complex' katika dakika ya 83
Lakini ulikuwa mchezo uliogubikwa na matukio mengi ikiwa ni pamoja na makosa ya waamuzi
Katika dakika ya 87 ya mchezo Yanga ilifunga bao kupitia kwa Joseph Guede lakini mwamuzi msaidizi namba 1 akakataa bao halali na kumnyima Guede bao lake la sita msimu huu
Ni tukio lililomkera Kocha Mkuu wa Yanga Miguel Gamondi ambaye baada ya mchezo nusura 'amuwambe makofi' mshika kibendera huyo
Gamondi alikerwa na kitendo cha mwamuzi huyo kukataa bao halali na kuinyima Yanga ushindi mnono
Kagera Sugar walicheza kwa kujilinda zaidi na kupoteza muda mwingi lakini pasi mpenyezo ya Aziz Ki katika dakika ya 83 ilitendewa haki na Mudathir aliyefunga bao lake la 9 msimu huu
Aziz Ki sasa amefikisha assist 8, akiongoza sawa na Kipre Junior wa Azam Fc. Ki pia anaongoza mbio za ufungaji bora akiwa na mabao 15 sawa na Feisal Salum wa Azam Fc
Ki ana mechi nne za kuhakikisha anabeba kiatu cha ufungaji bora msimu huu
