Mabingwa watetezi ligi kuu ya NBC Yanga leo wana nafasi ya kutwaa taji hilo kwa msimu wa tatu mfululizo pale watakapochuana na Mtibwa Sugar katika mchezo utakaopigwa uwanja wa Manungu, Turiani mkaoni Morogoro
Yanga inahitaji alama mbili tu kuwaa ubingwa hivyo ushindi katika mchezo huo utawahakikishia Wananchi taji la 30
Kocha Mkuu wa Yanga Miguel Gamondi amesema watacheza mechi dhidi ya Mtibwa Sugar pasipo kuwa na presha yoyote na lengo lao ni kuhakikisha wanaibuka na ushindi
Ni wazi Yanga leo itahitaji kushinda ili kutwaa ubingwa mapema ili kuwekeza nguvu katika kombe la Shirikisho la CRDB ambapo May 19 watacheza nusu fainali dhidi ya Ihefu Fc
Mbio za ubingwa kwa Yanga zimerahisishwa na watani zao Simba ambao jana walilazimishwa sare ya bao 1-1 dhidi ya Kagera Sugar
Yanga ilitua Morogoro jana ikiwa na kikosi kamili na jioni kufanya mazoezi katika uwanja wa Jamhuri
Bila shaka Gamondi leo atashusha kikosi chake bora kabisa ili kuhakikisha wanashinda mchezo huo
