Kamati ya Utendaji Yanga yakutana usiku

Kamati ya Utendaji ya klabu ya Yanga jana imekutana kwenye kikao cha dharura baada ya mchezo wa ligi kuu ya Vodacom kati ya Yanga dhidi ya Singida United.

Kamati hiyo inayoongozwa na Kaimu Mwenyekiti wa Yanga Clement Sanga imekutana kujadili tukio la kuondoka 'ghafla' kwa kocha George Lwandamina.

Imeelezwa kuwa Yanga itatoa taarifa rasmi kwa mashabiki na wanachama wake juu ya kilichoamuliwa na hatma ya nafasi ya kocha wa Yanga.

Jana usiku baada ya mchezo idadi kubwa ya mashabiki wa Yanga walifurika Makao Makuu ya klabu hiyo wakitaka wapewe ufafanuzi juu ya tukio la kuondoka kwa kocha George Lwandamina.