Rais wa Shirikisho la mpira wa miguu barani Africa (CAF) Patrice Motsepe amesema anaamini bao walilofunga Yanga katika mchezo wa mkondo wa pili robo fainali ya ligi ya mabingwa dhidi ya Mamelodi Sundowns lilikuwa halali
Motsepe ameyazungumza hayo mapema leo Visiwani Zanzibar alikohudhuria mashindano maalum ya CAF ya Shule
"Najua kama Rais wa CAF sipaswi kuingilia mifumo ya soka na naheshimu maamuzi lakini kwa maoni yangu lile ni goli"
"Baada ya mchezo kati ya Mamelodi Sundowns dhidi ya Yanga pale Afrika Kusini, nilimwambia Rais wa TFF Wallace Karia kuwa lile ni goli halali," alisema Motsepe
Yanga iliondoshwa robo fainali CAF CL kwa mikwaju ya penati baada ya suluhu ya bila kufungana dhidi ya Mamelodi
Pengine Wananchi walistahili kusonga mbele badala ya Mamelodi kama sio kunyimwa bao hilo la Stephanie Aziz Ki
