Kocha Mkuu wa Yanga Miguel Gamondi amesema amekiandaa kikosi chake kumaliza msimu vyema kwa kuibuka na ushindi katika mchezo dhidi ya Tanzania Prisons utakaopigwa kesho Jumanne katika uwanja wa Azam Complex
Gamondi amesema kazi yake sio kubwa sana katika kiwanja cha mazoezi kwa sababu wachezaji wanafahamu nini wanapaswa kufanya uwanjani
Hata hivyo Gamondi amesema watakwenda kucheza mchezo huo kwa tahadhari kubwa kwani wana mchezo wa fainali kombe la FA dhidi ya Azam Fc Jumapili, Juni 02
"Jana tulikuwa na mapumziko, leo tumerejea mazoezini kwa ajili ya kukamilisha maandalizi ya mchezo huu wa mwisho msimu huu"
"Dhamira yetu haijabadilika, tunataka kumaliza msimu vyema lakini pia lazima tukumbuke tuna mchezo wa fainali Jumapili"
"Tumekuwa na muda wa kuwafuatilia wapinzani wetu kupitia mechi zao tano zilizopita hivyo tunafahamu vile tunakwenda kuwakabili"
"Kazi yangu sio kubwa sana katika nyakati hizi kwa sababu wachezaji wanafahamu mbinu na kile wanapaswa kufanya uwanjani," alisema Gamondi
Ni wazi kikosi cha Yanga kitakuwa na mabadiliko hapo kesho pengine baadhi ya wachezaji watapewa mapumziko kwa ajili ya mchezo dhidi ya Azam Fc
Mchezaji pekee ambaye ana uhakika wa kucheza mechi hiyo ni Stephane Aziz Ki anayewania tuzo ya ufungaji bora
