Msimu ujao teknolojia ya kuwasaidia waamuzi (VAR), itaanza kutumika rasmi katika mechi za Ligi Kuu Bara, TFF imethibitisha
Rais wa Shirikisho la Soka Tanzania (TFF), Wallace Karia, amesema vifaa vya kiteknolojia kwa ajili ya kuwasaidia waamuzi (VAR) vinafungwa katika uwanja wa Benjamin Mkapa ikiwa ni awamu ya kwanza
Vifaa hivyo ni usaidizi wa CAF katika mpango wa kusaidia kanda za kisoka za Shirikisho hilo. Ufungaji wa vifaa unakwenda sambamba na mafunzo ya jinsi ya kutumia teknolojia hiyo
Mtendaji Mkuu wa Bodi ya Ligi Almas Kasongo amesema mechi za Ligi Kuu zitakazochezwa uwanja wa Benjamin Mkapa, VAR itatumika
Kasongo amesema kwa sasa wameanza na uwanja wa Benjamin Mkapa lakini pale watakapo pokea vifaa zaidi, zoezi hilo litaendelea katika viwanja vingine zitakavyokuwa vinakidhi vigezo
