Kocha Mkuu wa Yanga Miguel Gamondi ametaka kikosi chake kianze pre-season mapema
Huenda wiki ijayo Yanga ikaondoka nchini kuelekea nje ya nchi ambako kambi hiyo ya maandalizi ya msimu mpya itafanyika
Kwa misimu ya karibuni Yanga imekabiliwa na changamoto ya kukosa muda mrefu wa pre-season iwe kwa ratiba kuchelewa au changamoto za kusafiri
Kutokana na ufinyu wa muda, msimu uliopita Yanga ilifanya pre-season yake Avic Town, ambapo kikosi kilijifua kwa wiki mbili tu kabla ya Tamasha la Wiki ya Mwananchi
Gamondi amesema kalenda ya mashindano ya msimu ujao haitoi nafasi kwao kuendelea kusubiri hivyo amehitaji wachezaji wote wawe wamerejea wiki ijayo
"Tuna ratiba ngumu sana mashindano mengi yamekuwa karibu kulingana na kalenda ambayo nimepatiwa, hapa lazima tuanze kujiandaa haraka ili kila kitu kiwe sawa"
"Kila mchezaji anatakiwa kuwahi ili ratiba iwe kwa pamoja, nadhani viongozi watalifanya hili kwa weledi, kuna faida kubwa kama maandalizi ya mwanzo ya msimu yakafanyika kwa kila mtu kuwa hapa," alisisitiza Gamondi
Uongozi wa Yanga umeahidi kutangaza mipango yote kuhusu pre-season siku ya Jumatatu. Siku ambayo pia watatangaza maboresho ya kikosi cha mabingwa hao wa nchi
