Diarra aongeza mkataba Yanga

Mlinda lango namba moja wa Yanga Djigui Diarra ameongeza mkataba na mabingwa hao wa nchi ambao utamfanya asalie Jangwani hadi mwaka 2026

Diarra ambaye alijiunga na Yanga mwaka 2021, msimu uliopita alisaini mkataba wa miaka miwili lakini Yanga imeona umuhimu wa kuendelea kuwa nae kwa muda mrefu zaidi na hivyo kumuongezea mwaka mwingine na kufanya sasa aendelee kuwatumikia Wananchi kwa miaka mingine miwili

Diarra ndiye nguzo ya Yanga katika eneo la golikipa, tangu alipotua nchini mwaka 2021, ameisaidia Yanga kutwaa ubingwa wa ligi kuu katika kila msimu

Ana mataji matatu ya ligi kuu, mataji matatu ya FA, Ngao mbili za Jamii, Medali ya CAF CC na robo fainali ya ligi ya mabingwa

Mdaka mishale bado yupo sana...!