Kiungo Khalid Aucho na mshambuliaji Kennedy Musonda hawakuwa sehemu ya wachezaji katika kikosi kilichocheza dhidi ya Augsburg katika mchezo wa ufunguzi wa michuano ya Mpumalanga Premier's International Cup
Kocha Mkuu wa Yanga Miguel Gamondi hakuwajumuisha wachezaji hao kikosini pengine kwa sababu walichelewa kujiunga na wenzao walioanza mazoezi Avic Town tangu Julai 08
Kesho Yanga itashuka tena Mbembola Stadium kuchuana na TS Galaxy katika mchezo wa pili ambao utahitimisha ushiriki wa Yanga katika michuano hiyo
Gamondi amesema katika mechi hiyo atampa nafasi kila mchezaji aliye katika kikosi chake hapo Afrika Kusini
Bila shaka Wananchi watamshuhudia Aucho na wachezaji wengine katika mtanange huo ambao utarushwa mbashara na Azam TV
Mara nyingi Aucho anapokuwa uwanjani basi tarajia Yanga kucheza vizuri kwani huyu ndiye bosi katika eneo la kiungo
