Wiki ya Wananchi imetamatika kwa furaha baada ya Yanga kuibuka na ushindi wa mabao 2-1 dhidi ya Red Arrows katika mchezo uliotamatika punde katika uwanja wa Benjamin Mkapa
Red Arrows walitaka kuharibu shughuli ya Wananchi mapema dakika ya tano wakapata bao la uongozi
Hata hivyo ni Yanga iliyotawala dakika zote za kipindi cha kwanza lakini ubora wa mlinda lango wa Red Arrows kukosekana umakini upande wa Yanga kulipelekea Yanga kupoteza nafasi nyingi
Kocha Miguel Gamondi alibadili timu nzima kwenye kipindi cha pili na Yanga ilifanikiwa kufunga mabao mawili kupitia kwa Mudathir Yahya na Stephane Aziz Ki alifunga bao la pili kwa mkwaju wa penati katika dakika za majeruhi baada ya Nickson Kibabage kufanyiwa madhambi katika eneo la hatari
Gamondi alitumia wachezaji 24 katika mchezo huo ambapo kabla ya mchezo aliahidi atatoa nafasi kwa kila mchezaji aliyekuwa tayari kwa mchezo huo
Kwa ujumla Wananchi wamepata burudani waliyohitaji siku ya leo
