Ni 4G iliyowahusu Azam Fc leo uwanja wa Benjamin Mkapa Wananchi wakirejesha Ngao ya Jamii Jangwani baada ya ushindi wa mabao 4-1 dhidi ya Azam Fc
Ni kipigo cha aibu kwa wanarambaramba kutoka kwa Wananchi, kwa mara nyingine Yanga inadhihirisha ubora wake kwa soka la Tanzania
Feisal Salum aliitanguliza Azam Fc, hata hivyo ilikuwa furaha ya muda mfupi kwani kilichofuata yalikuwa ni mafuriko
Prince Dube akarejesha mzani sawa kabla ya kros ya Chadrack Boka kusababisha majanga kwa Azam Fc wakijifunga
Wakiwa bado wanajiuliza nini kimetokea, Stephane Aziz Ki akaweka chuma ya tatu na kuipa Yanga uongozi wa mabao 3-1 ndani ya dakika 30 tu
Kipindi cha pili Yanga ilicheza kwa tahadhari kubwa na kushambulia kwa kushitukiza
Clatous Chama aliyeingia kuchukua nafasi ya Stephane Aziz Ki akatengeneza bao la nne lililofungwa na Clement Mzize aliyeingia kuchukua nafasi ya Dube
Ni taji la pili kwa Yanga kabatini mwa Yanga mapema tu kabla hata ya msimu kuanza
