Mchezo wa mkondo wa pili hatua ya awali ligi ya mabingwa barani Afrika kati ya Yanga dhidi ya Vital'o utapigwa uwanja wa Azam Complex
Awali mchezo huo ulipangwa kupigwa uwanja wa Benjamin Mkapa lakini hautachezwa katika uwanja huo kutokana na ukarabati unaoendelea
Rais wa Yanga Injinia Hersi Said amethibitisha mabadiliko hayo huku akiwaahidi Wananchi kupata burudani kutoka kwa timu yao
"Kutokana na marekebisho yanayoendelea kwenye Uwanja wa Mkapa, mechi yetu ya marudiano dhidi ya Vital'O, hatutacheza tena uwanja wa Mkapa, Tutacheza katika uwanja wa Azam Complex, Jumamosi majira ya saa 1:00 jioni"
"Mechi iliyopita wenzetu Vital'O walisema watatunywa kama supu lakini tulifanikiwa kupata ushindi wa goli 4, Lakini kwenye mchezo huu wa marudiano ni zamu yetu sasa kuwanywa wao kama supu" alisema Hersi
