Mabingwa wa soka Tanzania Bara Yanga leo wanashuka uwanja wa Azam Complex, saa 1 usiku kuikabili Vital'o kutoka Burundi ukiwa ni mchezo wa mkondo wa pili kuwania tiketi ya kutinga raundi ya kwanza ya michuano ya Ligi ya Mabingwa barani Afrika
Yanga itashuka Azam Complex leo ikiwa inaongoza kwa mabao 4-0, ushindi waliopata katika mchezo wa kwanza
Leo wananchi watahitaji ushindi au hata sare ili kusonga mbele hatua inayofuata
Vital'o watakuwa na mlima mrefu zaidi kwani ili waweze kufuzu watahitaji kuifunga Yanga mabao 5-0, ni muujiza tu ambao unaweza kufanya matokeo haya yatokee ingawa upo msemo kuwa hakuna lisilowezekana katika mpira wa miguu
Kocha Mkuu wa Yanga Miguel Gamondi amesema licha ya ushindi mnono katika mchezo wa kwanza, hatawadharau wapinzani wake na watapambana ili kuhakikisha wanapata matokeo muhimu ili wafuzu hatua inayofuata
Yanga itautumia mchezo huo kuzindua msimu mpya wa michuano ya ligi ya mabingwa barani Afrika 2024/25 ambapo mgeni rasmi atakuwa Rais wa Yanga, Injinia Hersi Said
