Mlinzi wa kushoto wa Yanga Chadrack Boka leo anatarajiwa kuwa sehemu ya kikosi cha Wananchi kitakachoshuka dimbani mkoani Kagera kuikabili Kagera Sugar katika mchezo wa ligi kuu ya NBC
Boka hakuonekana dimbani katika mechi mbili za hatua ya awali ligi ya mabingwa dhidi ya Vital'o baada ya kuchelewa kupata vibali (ITC)
Yeye na mshambuliaji Jean Baleke walikosa mechi hizo lakini wanaweza kutumika kuanzia mechi ya hatua inayofuata ambapo Yanga itacheza na CBE ya Ethiopia kuwania tiketi ya kutinga makundi
Boka tayari amejizolea sifa kemkem kutoka kwa mashabiki wa Yanga kutokana na aina yake ya uchezaji
Kasi yake hasa anapopanda kushambulia ndio silaha yake kubwa, msimu huu huenda Yanga ikatengeneza mabao mengi kupitia upande wake
Baada ya 'kuwapima umri' walinzi wa Azam Fc katika mchezo wa fainali ya Ngao ya Jamii ambao Yanga waliibuka na ushindi wa mabao 4-1, leo ni zamu ya Kagera Sugar
