Kiungo mshambuliaji wa Yanga Stephane Aziz Ki ameendeleza pale alipoishia katika ligi kuu ya NBC msimu uliopita akihusika kwenye mabao mawili kati ya matatu yaliyofungwa na Yanga kwenye ligi
Mpira wa adhabu aliopiga katika mchezo dhidi ya KenGold na kujazwa kimiani na Ibrahim Bacca ulimfanya aandikishe 'assist' ya pili katika mchezo wake wa pili
Aziz Ki alitoa pasi ya bao la pili lililofungwa na Clement Mzize katika mchezo wa kwanza wa ligi dhidi ya Kagera Sugar
Ki pia ameifungia Yanga mabao matano katika mechi za hatua ya awali ligi ya mabingwa huku pia akipachika bao moja katika mchezo wa Ngao ya Jamii dhidi ya Azam Fc
Kabla ya msimu kuanza, Aziz Ki alijitoa katika mbio za kuwania tuzo ya ufungaji bora akiweka bayana kuwa msimu huu anataka kuwatengenezea wenzake wafunge
Msimu uliopita alimaliza na assist nane na tayari msimu huu ana assist mbili akitengeneza bao katika kila mchezo wa ligi kuu
