Job awaalika mashabiki Jumapili ya kufosi

Nahodha Msaidizi wa Yanga Dickson Job amewaalika mashabiki kujitokeza kwa wingi uwanja wa Azam Complex siku ya Jumapili katika mchezo wa ligi kuu dhidi ya KMC

Mchezo huo wa kwanza nyumbani kwa Yanga msimu huu, utapigwa sa 3 usiku

Job amesema wamejipanga kushinda mchezo huo katika siku iliyopewa jina la 'Jumapili ya kufosi'

"Niwaombe mashabiki wetu waje kwa wingi katika mchezo wetu dhidi ya KMC, Jumapili ya kufosi"

"Sisi tumejipanga, siku hiyo tutafosi kuhakikisha tunapata ushindi na kufunga magoli mengi," alisema Job

Kikosi cha Yanga kilirejea mazoezini jana ambapo vijana wa kocha Miguel Gamondi leo watakamilisha mazoezi ya mwisho pale Avic Town