Ligi Kuu ya NBC inaendelea leo ambapo mabingwa watetezi Yanga watakuwa uwanja wa nyumbani, Azam Complex kuikabili Pamba Jiji ya Mwanza
Utakuwa mchezo wa raundi ya nne kwa Yanga huku Pamba ikiwa ni mechi yao ya saba
Mechi nyingine ngumu inayotarajiwa kuwa na upinzani mkali, Yanga ikisaka ushindi wa nne katika mechi nne msimu huu
Kila mechi kwa Yanga ni kama fainali kwani kila timu inayokutana na Yanga inapambana kwa jasho na damu kupata matokeo mazuri au kupunguza idadi ya mabao
Ilikuwa hivyo kuanzia mechi ya kwanza dhidi ya Kagera Sugar na kufuatiwa na mechi dhidi ya Ken Gold na KMC
Kocha Mkuu wa Yanga Miguel Gamondi amesema wanakwenda kupambana kusaka ushindi pasipo kujali watafunga mabao mangapi kwa sababu muhimu zaidi ni ushindi
Mchezo huo unatarajiwa kupigwa saa 12:30 jioni..
