Yanga yarejea mazoezini kuiwinda Simba

Meneja wa Yanga Walter Harrison amethibitisha kuwa wachezaji ambao hawana majukumu ya timu za Taifa tayari wamerejea mazoezini kwa ajili ya maandalizi ya mchezo wa ligi kuu dhidi ya Simba utakaopigwa Oktoba 19 katika uwanja wa Benjamin Mkapa

Yanga inawakosa wachezaji 12 ambao wako katika majukumu ya timu za Taifa

Harrison amesema ari ya wachezaji iko juu wakiwa na hamasa kubwa kuelekea mchezo huo wa kwanza wa dabi kwenye ligi msimu huu

Tayari Yanga na Simba zimekutana mara moja katika mchezo wa nusu fainali Ngao ya Jamii msimu huu Yanga ikiibuka na ushindi wa bao 1-0

Harrison amesema wachezaji wataendelea na program mbalimbali za mazoezi kwa wiki hii na watapata mapumziko siku ya Jumapili