Mshambuliaji wa zamani wa Yanga Fiston Mayele ambaye kwa sasa anaitumikia klabu ya Pyramids Fc ya Misri anashikilia rekodi ya kufunga mabao mengi katika mechi za derby ya Kariakoo zilizopigwa tangu mwaka 2010
Mayele alipachika mabao manne dhidi ya Simba katika misimu yake miwili aliyoitumikia Yanga
Oktoba 19 Simba na Yanga zitachuana katika mchezo wa kwanza wa ligi kuu msimu huu, pengine katika mchezo huo rekodi ya Mayele inaweza kufikiwa na viungo washambuliaji Stephane Aziz Ki na Maxi Nzengeli
Aziz Ki na Nzengeli kila mmoja amefunga mabao matatu, kama watafunga katika mchezo huo basi wataifikia rekodi ya Mayele
Aidha Nzengeli ameingia katika rekodi ya kuifunga Simba mara tatu katika mechi tatu akifunga mabao mawili katika mechi ya ushindi wa mabao 5-1 msimu uliopita na pia msimu huu akapachika bao pekee la ushindi katika mchezo wa nusu fainali Ngao ya Jamii
Yanga imeshinda mechi tatu mfululizo dhidi ya Simba, ushindi Oktoba 19 utaendeleza ubabe wa Wananchi dhidi ya watani zao hao
