Mshambuliaji Kennedy Musonda anamshawishi Kocha Miguel Gamondi na haitashangaza kama atamjumuisha katika kikosi chake kwenye mchezo wa ligi kuu dhidi ya Simba utakaopigwa Jumamosi, Oktoba 19 katika uwanja wa Benjamin Mkapa
Musonda ameonyesha kiwango kizuri akiwa na timu ya Taifa ya Zambia akipachika mabao mawili katika mechi tatu zilizopita
Aidha mshambuliaji huyo ndio chaguo la kwanza kwa Zambia iliyosheheni nyota wengi wanaocheza nje ya nchi
Kumbukumbu zake za msimu uliopita katika ushindi wa mabao 5-1 dhidi ya Simba, ni sababu nyingine kwa Gamondi kumtumia Jumamosi
Musonda ndiye aliyefungua kalamu ya magoli katika mchezo huo uliopigwa Novemba 07 2023 na kuishuhudia Yanga ikiandikisha kipigo cha kihistoria dhidi ya watani zao
Msimu huu Musonda hajaanza vyema katika kikosi cha Yanga akiwa sio mshambuliaji chaguo la kwanza mbele ya Prince Dube na Clement Mzize
Lakini kiwango bora anachoendelea kuonyesha akiwa kwenye majukumu ya timu ya Taifa, kinaweza kubadilisha jambo
