Meneja wa Habari na Mawasiliano klabu ya Yanga Ali Kamwe amewataka mashabiki wa timu hiyo kupuuza taarifa zinazosambazwa mitandaoni kuwa wameachana na kocha msaidizi Moussa N'Daw
Baada ya uvumi wa Miguel Gamondi kuondoka sasa tetesi zimehamia kwa kocha msaidizi huku kocha mkuu wa KMC Abdihamid Moallin akitajwa kuchukua nafasi yake
Kamwe amesema hakuna mabadiliko yoyote katika benchi la ufundi la Yanga, Kocha Mkuu ni Miguel Gamondi na kocha msaidizi ni N'Daw
"Benchi letu la ufundi ni lilelile, Kocha Mkuu ni Miguel Gamondi na Kocha Msaidizi ni Moussa N'Daw, hakuna kilichobadilika"
"Niwaambie Wanayanga hii ni taarifa rasmi kutoka kwa msemaji wenu, hakuna badiliko lolote ambalo limefanyika," alisisitiza Kamwe
Yanga ilirejea mazoezini jana kujiandaa na mchezo wa ligi ya mabingwa dhidi ya Al Hilal utakaopigwa Novemba 26
Makocha hao walikuwepo kusimamia mazoezi hayo ya kwanza baada ya mapumziko ya siku chache
