Kiungo Khalid Aucho na mshambuliaji Clement Mzize huenda wakaukosa mchezo wa ligi ya mabingwa dhidi ya Al Hilal utakaopigwa keshokutwa Jumanne Novemba 26 katika uwanja wa Benjamin Mkapa
Meneja wa Habari na Mawasiliano wa Yanga Ali Kamwe amethibitisha kuwa wachezaji hao walipata majeraha walipokuwa kwenye majukumu ya timu ya Taifa
"Aucho hakuweza kushiriki mazoezi leo (jana) kwa sababu alipata changamoto alipokuwa kwenye majukumu ya timu ya Taifa. Hata Mzize hamkumuona hapa kwa sababu nae alipata jeraha akiwa katika timu ya Taifa"
"Tunasubiri taarifa ya daktari kubaini aina ya majeraha, kuona kama tunawakosa na kwa muda gani," alisema Kamwe
Wachezaji hao wanaungana na Chadrack Boka na Aziz Andambwile ambao wanaendelea kuimarika wakikosekana kwa takribani wiki mbili sasa
