Hatimaye burudani ya ligi ya mabingwa barani Afrika imerejea! leo mechi za hatua ya makundi zinaanza kupigwa katika nchi mbalimbali
Miamba 16 bora zaidi barani Afrika inaanza kampeni ya kulisaka taji la CAF CL na kubeba kitita cha takribani Tsh Bilioni 10
Mabingwa wa Tanzania Bara Yanga ambao wanaiwakilisha nchi katika michuano hiyo, wanaanzia nyumbani kwa mchezo dhidi ya Al Hilal utakaopigwa uwanja wa Benjamin Mkapa, saa 10 jioni
Mechi ngumu inayotarajiwa kuwa na upinzani mkali lakini matokeo pekee ambayo Yanga inahitaji katika uwanja wa nyumbani ni ushindi
Silaha kuu ya kufanikiwa katika michuano hii ni kuhakikisha unatumia vyema uwanja wa nyumbani na hivyo ushindi kwa Yanga leo ni kipaumbele
Utakuwa mchezo wa kwanza kwa kocha Sead Ramovic ambaye ana takribani siku 9 tangu achukue majukumu ya kukinoa kikosi cha Yanga baada ya Miguel Gamondi kusitishiwa mkataba
Akizungumza katika Mkutano na Wanahabari jana, Ramovic aliwataka mashabiki wa Yanga kujitokea kwa wingi katika mchezo huo huku akiahidi timu yake kucheza kwa ari kusaka ushindi
Ramovic alisema anajivunia kuifundisha Yanga yenye wachezaji wenye vipaji na matarajio yake ni kuona leo wanaanza vyema kampeni ya kusaka ubingwa wa Afrika
Kila la kheri Wananchi...!
