Klabu ya Yanga imemtaka Meneja habari na Mawasiliano wa Simba, Ahmed Ally kutoka hadharani na kuomba radhi kwa matamshi ya kuichafua klabu ya Yanga
Aidha Yanga imemtaka Ahmed kulipa fidia ya Tsh Bilioni 10 kutokana na kauli aliyotoa hivi karibuni
Katika moja ya mahojiano aliyofanya, Ahmed alisikika akitoa kauli hii;
"Pacome amemaliza mkataba tukiona anafaa tutahangaika nae, Pacome amemaliza mkataba ndani ya Yanga na hana mpango wa kuongeza"
"Mtanyoa ndevu mwaka huu hana mpango wa kuongeza amechoka kuchomwa sindano kila siku kama anazuia mimba"
"Tunaangalia kiwango chake kama kitaturidhisha tutahangaika nae lakini kama ataendelea na mwenendo wake anaoendelea nao tutawaachia kama tulivyowaachia Chama na tunataja majina Live hakuna kutumia code"
Taarifa ya madai ya Yanga imeeleza kuwa kauli hiyo ni ya upotoshaji na imejaa dharau kwa klabu yao, hivyo imeharibu mahusiano yao na wadau wa kibiashara na wadhamini
Yanga wamemtaka Ahmed afanye yafuatayo ndani ya siku tano (5);
- Kuomba radhi kwa njia sawa na aliyotumia kutoa kauli yake
- Kufidia malipo ya Tsh Bilioni 10 (10,000,000,000)
Yanga imetahadharisha kuwa kama maagizo hayatafanyiwa kazi watafuata hatua za kisheria zaidi
