Baada ya kurejea kutoka Algeria jana, kikosi cha Yanga kinatarajiwa kuondoka jijini Dar es salaam siku ya Alhamisi kuelekea Lubumbashi DR Congo kwa ajili ya mchezo wa raundi ya tatu ligi ya mabingwa dhidi ya TP Mazembe
Jumamosi, Disemba 14 2024 TP Mazembe watakuwa wenyeji wa Yanga katika mchezo muhimu wa kundi A
Yanga imepoteza mechi zote mbili zilizopita, haipaswi kupoteza mchezo huo ili kufufua matumaini ya kufuzu robo fainali
Utakuwa mchezo mgumu kwani hata TP Mazembe ni mechi ambayo watahitaji kushinda ili kuwa na nafasi ya kufuzu robo fainali
Mazembe wanashika nafasi ya tatu kundi A wakiwa na alama moja ambayo waliipata kwa kulazimishwa suluhu ya bila kufungana na MC Alger hapo Lubumbashi
Mechi dhidi ya Yanga itakuwa mechi yao ya pili nyumbani na pengine inaweza kuamua hatma yao katika ligi ya mabingwa msimu huu
Hivyo Wananchi watakwenda Lubumbashi huku wakifahamu wanakwenda kucheza mechi ya 'jasho na damu'
Lakini Yanga ina kumbukumbu nzuri katika dimba la Mazembe kwani mara ya mwisho walipocheza katika uwanja huo msimu wa 2022/23 katika kombe la Shirikisho, Yanga iliibuka na ushindi wa bao 1-0
