Wakati Yanga ikiibamiza TP Mazembe mabao 3-1 katika nchezo wa ligi ya mabingwa uliopigwa uwanja wa Benjamin Mkapa juzi, nyota anayesubiri utambulisho Jangwani Jonathan Ikangalombo alikuwa jukwaani akishuhudia mchezo huo
Ikangalombo alitua Tanzania mapema Jumamosi na moja kwa moja kuelekea uwanja wa Benjamin Mkapa kushuhudia mchezo huo
Imeelezwa kocha mkuu wa Yanga Sead Ramovic amepitisha usajili wa winga huyo aliyekuwa akiitumikia AS Vita akitajwa kuchukua nafasi ya Jean Baleke ambaye Yanga imesitisha mkataba wake wa mkopo na kumrejesha katika klabu yake, TP Mazembe
Awali Yanga ilitaka kusajili mshambuliajii lakini Ramovic aligomea mpango huyo akihitaji aletewe winga
Kocha huyo raia wa Ujerumani ni kama anataka kurejesha utamaduni wa Yanga kutengeneza mashambulizi yake kupitia mawinga na walinzi wa pembeni
Ramovic amekuwa akimtumia Mzize kama winga akitokea pembeni na kuingia kati. Mzize amepachika mabao 6 katika mashindano yote tangu ujio wa Ramovic
Ikangalombo ni winga mwenye kasi na uwezo mkubwa wa kupachika mabao akitokea pembeni kama afanyavyo Mzize sasa
Mashabiki wa Yanga wanasubiri kwa hamu utambulisho wa winga huyo ambaye ujio wake bila shaka unakwenda kuongeza makali zaidi katika eneo la ushambuliaji
