Yanga imesonga mbele raundi ya tatu ya kombe la Shirikisho la CRDB baada ya kuichapa Copco Fc mabao 5-0 katika mchezo uliopigwa uwanja wa KMC Complex
Dakika 30 za mwanzo zilionekana kuwapa wakati mgumu Wananchi kuifungua ngome ya Copco iliyokuwa na wachezaji 10 wanaozuia
Hata hivyo alikuwa ni Shekhan Khamis aliyefungua ukurasa wa mabao akifunga bao la kwanza dakika ya 35 akimalizia kona ya Farid Mussa
Kipindi cha pili mambo yalibadilika, Copco Fc hawakuweza kumudu kasi ya Yanga na kujikuta wanaruhusu mabao mengine manne yaliyofungwa na Prince Dube, Duke Abuya, Maxi Nzengeli aliyefunga kupitia mkwaju wa penati na Mudathir Yahya
Kocha Mkuu wa Yanga Sead Ramovic leo alifanya 'rotation' ya kikosi akianza na nyota wengine ambao hawakutumika sana msimu huu
