Stephane Aziz Ki ni miongoni mwa wachezaji walioondoka jijini Dar es salaam leo kuelekea mkoani Kigoma kwa ajili ya mchezo wa ligi kuu dhidi ya Mashujaa Fc ambao utapigwa Jumapili, Februari 23 katika uwanja wa Lake Tanganyika
Hii ilikuwa wiki muhimu kwa Aziz Ki ambaye amekamilisha tukio adhimu la kufunga ndoa na mpenzi wake Hamisa Mobeto
Hakuna 'honey-moon' kwa mwamba huyo kutoka Burkina Faso kwani leo ameongoza wachezaji wenzake kuelekea Kigoma
Aziz Ki anaendelea kudhihirisha yeye ni Mwananchi na anahitaji kuwa sehemu ya mafanikio ya Yanga kwa kutwaa ubingwa wa ligi kuu kwa msimu wa nne
Yanga imedhamiria kutetea ubingwa wake, licha ya upinzani mkubwa uliopo lakini kila mechi katika mechi zilizosalia ni kama fainali..
Wananchi wakitoka Kigoma wataelekea mkoani Mwanza kuikabili Pamba Jiji, Februari 28
