Baada ya Simba kudondosha alama mbele ya Azam Fc jana kwa kulazimishwa sare ya mabao 2-2, Yanga imejihakikishia kukaa juu ya kilele cha msimamo wa ligi
Alama 55 kileleni baada ya mechi 21 huku watani zao Simba wakiwa nafasi ya pili na alama 51 pamoja na mechi moja ya kiporo
Yanga sasa imeshikilia hatma yake katika mbio za ubingwa, ushindi katika kila mechi utawahakikishia Wananchi kurejesha ubingwa Jangwani kwa msimu wa nne mfululizo
Kikosi cha kocha Miloud Hamdi sasa hakipaswi kutoa tena nafasi kwa watani zao kurudi juu ya msimamo kwani hilo litatokea endapo Yanga itafanya makosa
Ijumaa ya wiki hii Yanga itakuwa Mwanza kumenyana na Pamba Jiji katika mchezo ambao ushindi ndio matokeo pekee ambayo Wananchi watahitaji
Kama Yanga itashinda mechi ijayo, maana yake ni kuwa itakwenda katika mchezo wa Derby dhidi ya Simba ikiwa haiko katika presha kubwa kwani hata matokeo ya sare yatawahakikishia kuendelea kubaki kileleni
Ni mechi 9 tu zimesalia kuhitimisha msimu huu, hizi ni fainali 9 ambazo Wananchi wanahitaji alama 27
