Shirikisho la Soka Tanzania (TFF) limetangaza kupokea mwaliko kutoka Ofisi ya Mkuu wa Mkoa wa Arusha, kwa ajili ya mashindano ya Samia Women Super Cup 2025
Mashindano hayo yatakayofanyika kwa mara ya kwanza, yatazikutanisha timu nne bora za Ligi Kuu ya Wanawake (TWPL) 2024/2025 ambazo ni Fountain Gate Princess, JKT Queens, Simba Queens na Yanga Princess
Mashindano yataanza Machi 4, 2025, kwenye Uwanja wa Sheikh Amri Abeid jijini Arusha, ambapo michezo ya nusu fainali itachezwa siku hiyo
Mchezo wa kutafuta mshindi wa tatu na fainali itapigwa Machi 6, 2025, huku timu zote zikitarajiwa kufika jijini humo, Jumapili, Machi 2, 2025
Mashindano ya Samia Women Super Cup 2025 yanafanyika katika wiki ambayo inakamilisha Siku ya Wanawake Duniani, ambapo kitaifa itafanyika jijini Arusha
