Meneja wa Habari na Mawasiliano wa Yanga Ali Kamwe amesema wanatarajia kupata upinzani mkali katika mchezo wa ligi kuu dhidi ya Pamba Jiji ambao utapigwa kesho Ijumaa katika uwanja wa CCM Kirumba
Kamwe amesema kikosi cha Pamba Jiji kimeimarika chini ya kocha Fred Felix Minziro wakipata matokeo mazuri katika mechi zilizopita
Hata hivyo Kamwe amesema Yanga inajivunia ubora wa kikos chao akiamini wachezaji watapambana kushinda mchezo huo
"Hatuiangalii Pamba Jiji kama mpinzani dhaifu, ni timu ngumu kwelikweli na hivi karibuni imepata matokeo mazuri dhidi ya timu vigogo kama Azam Fc na hata Singida BS"
"Tunaamini mchezo utakuwa mgumu lakini sisi tunajivunia ubora wa kikosi chetu. Tuna timu inayoweza kushinda mechi yoyote"
"Hivyo naamini kama wachezaji wetu watapambana, tutaweza kushinda mchezo huu muhimu sana kwetu," alisema Kamwe
Kikosi cha Yanga kilitua Mwanza mapema jana na jioni timu kufanya mazoezi katika uwanja wa CCM Kirumba
Leo Yanga itakamilisha maandalizi yake katika uwanja huo
