Mlinzi wa kulia wa Yanga Yao Kouassi anaendelea kuimarika baada ya kufanyiwa upasuaji wa goti wiki chache zilizopita
Meneja wa Habari na Mawasiliano wa Yanga Ali Kamwe amesema Yao ameanza kutembea 'kawaida' ikiwa hatua nzuri kuelekea kurejea kwake uwanjani
Hata hivyo Kamwe amesema Yao hatakuwa sehemu ya kikosi kitakachoikabili Simba siku ya Jumamosi katika mchezo wa ligi kuu ya NBC
"Yao anaendelea kuimarika sasa akitembea kawaida pasipo usaidizi wa magongo. Najua mashabiki wa Yanga wana shauku kubwa kutaka kujua kama Yao ataweza kucheza siku ya Jumamosi"
"Niwaambie tu, yuko katika hatua nzuri katika 'recovery' lakini bado hayuko tayari kucheza mpira hivyo tufahamu Jumamosi hatakuwa sehemu ya kikosi," alisema Kamwe
Yao tayari amekuwa nje ya uwanja kwa takribani wiki nne baada ya upasuaji ambapo anatarajiwa kuwa nje kwa wiki sita kabla ya kuanza mazoezi ya kumrejesha tena uwanjani
Israel Mwenda na Kibwana Shomari wamefanya kazi nzuri katika kipindi chote ambacho Yao amekosekana
