Bodi ya Ligi Kuu imetoa taarifa ya kuahirisha mchezo wa ligi kati ya Yanga dhidi ya Simba ambao ulipangwa kupigwa leo katika uwanja wa Benjamin Mkapa
Taarifa iliyotolewa na Bodi imebainisha kuwa Kamati inahitaji muda kupitia ushahidi wa baadhi ya matukio ambayo yalipelekea klabu ya Simba kushindwa kufanya mazoezi ya mwisho katika uwanja wa Benjamin Mkapa jana
Bodi imeeleza kuwa mchezo huo utapangiwa tarehe nyingine
Hata hivyo Yanga ilitoa msimamo wake mapema kuwa haitakuwa tayari kucheza mechi hiyo katika tarehe tofauti na leo kwani klabu inaamini taratibu zote za maandalizi kuelekea mchezo huo zilifuatwa
Yanga inatarajiwa kupeleka timu uwanjani katika muda ambao mchezo huo unapaswa kuchezwa
Meneja wa Habari na Mawasiliano wa Yanga Ali Kamwe amesema kikosi cha Yanga kitawasili dimba la Mkapa saa 11 jioni kwa ajili ya mchezo huo
