Ukitaka kujua makali ya kanuni za ligi kuu basi Yanga iwe imekosea. Katika kipindi cha misimu miwili pengine Yanga ndio timu iliyolipa fedha nyingi za faini kuliko timu yoyote ya ligi adhabu hizo zikitokana na ukiukwaji wa kanuni
Sasa katika sakata hili la Simba kugomea mchezo basi kanuni pia zinapaswa kufuatwa. Kanuni hizi hizi ambazo zimetumika kuwaadhibu wengine waliokosea basi zinapaswa kutumika kuiadhibu Simba pia
Kitendo cha Bodi ya ligi kujaribu kuibeba Simba wakati wao wenyewe wamekiri haikutimiza wajibu wake ili ipate haki ya kufanya mazoezi katika uwanja wa Benjamin Mkapa, kinadhihirisha mashaka ya Yanga juu ya bodi hiyo
Yanga inapaswa kushikilia msimamo wake ili tuone kama Bodi imeundwa kusimamia maslahi ya klabu zote au maslahi ya Simba tu?
Kama Bodi ya Ligi haitaipa Yanga alama tatu na badala yake kutangaza tarehe nyingine ya mchezo huo kupigwa huku wakifahamu Yanga haitoshiriki mchezo huo, basi tutasubiri tuone kama wataipa Simba alama tatu na kuishusha Yanga daraja kama kanuni zinavyoelekeza?
Kama TFF watashindwa kusimamia kanuni katika sakata hili basi wajue mamlaka za juu yao CAF na FIFA zitatumia kanuni hizohizo kuipatia Yanga haki yake na kama jambo hili litafika katika ngazi za juu, hata TFF pia wajue watakuwa matatani
