Yanga ilikuwa mwenyeji wa mchezo wa ligi kuu dhidi ya Simba ambao ulipaswa kupigwa Jumamosi March 08 katika uwanja wa Benjamin Mkapa
Taarifa kutoka ndani ya uongozi wa Yanga imebainisha kuwa mabingwa hao wa Tanzania Bara wanafanya tathmini ya hasara waliyopata na watadai fidia kwa kitendo cha Bodi ya ligi kuahirisha mchezo huo zikiwa zimebaki saa chache kabla ya kuchezwa
Juzi baada ya mchezo kuahirishwa Meneja wa Habari na Mawasiliano wa Yanga Ali Kamwe alisema hadi kufikia saa 7 mchana siku ya mchezo, mashabiki 40,000 walikata tiketi
Kamwe alisema mamlaka zitafanya tathmini na akawahakikishia mashabiki waliokata tiketi kushuhudia mchezo huo kuwa haki zao zitalindwa
"Viongozi wanafanya tathmini ya hasara iliyosababishwa na kuahirishwa kwa mchezo dhidi ya Simba siku ya Jumamosi"
"Kuna gharama kubwa zilizopatikana kuanzia maandalizi ya kambi, matangazo na mambo mengine, hivyo sio rahisi kufahamika mara moja, ndio maana wanakutana kwa sasa kuweka sawa, ila ukweli ni kwamba Yanga imepata hasara za mamilioni ya fedha kwa sababu ya ubinafsi wa wachache," alisema mtoa taarifa
Yanga imejipanga kudai haki yake katika mamlaka za juu kama itatokea hawatapewa haki hiyo na mamlaka za ndani
