Yanga kujipima na Singida Black Stars

Klabu ya Singida Black Stars, March 24 inatarajiwa kuzindua uwanja wao mpya ambao huenda wakaanza kuutumia katika mechi za kuhitimisha msimu huu

Uwanja huo wenye uwezo wa kubeba mashabiki 5000-7000, utazinduliwa kwa mechi ya kirafiki kati ya Singida Black Stars dhidi ya Yanga

Wakati huu ambao ligi imesimama kupisha kalenda ya FIFA, mechi hiyo pia itatumika kama sehemu ya maandalizi ya timu zote kuelekea mechi za kuhitimisha msimu

Yanga na Singida Black Stars tayari zimemalizana kwenye ligi, Yanga ikishinda mechi zote mbili

Wananchi waliibuka na ushindi wa bao 1-0 katika mechi ya mkondo wa kwanza na pia kushinda mabao 2-1 katika mechi ya pili