Mechi za kuwania kufuzu kwa michuano ya kombe la Dunia zinaendelea leo ambapo baadhi ya wachezaji wa Yanga watakuwa viwanjani kuzitumikia timu zao za Taifa
Nahodha wa timu ya Taifa ya Uganda Khalid Aucho leo atakiongoza kikosi hicho cha Uganda Cranes katika mchezo dhidi ya Msumbiji utakaopigwa saa 10 jioni huko Maputo
Majira ya saa 1 usiku Prince Dube na timu ya Taifa ya Zimbabwe watakuwa uwanjani kupepetana na Benin
Nae Duke Abuya akiwa na Harambee Stars, watakuwa ugenini huko Gambia kusaka matokeo muhimu Kenya wakinolewa na Benni McCarthy nyota wa zamani wa klabu za Porto na aliyekuwa kocha wa safu ya ushambuliaji ya Manchester United
Saa 6 usiku mlinda lango Digui Diarra ataingoza Mali katika mchezo utakaopigwa ugenini dhidi ya Cameroon
Nyota wa Yanga ambao wako timu ya taifa ya Tanzania watasubiri mpaka March 26 kumenyana na Morocco katika mchezo utakaopigwa saa 6:30 usiku
Walinzi Dickson Job na Ibrahim Bacca, kiungo Mudathir Yahya na mshambuliaji Clement Mzize watakuwa na kazi ya kuipigania Stars katika mchezo huo muhimu ugenini
