Baada ya kujihakikishia tiketi ya kutinga robo fainali ya kombe la Shirikisho la CRDB kwa ushindi wa mabao 2-0 dhidi ya Songea United, kikosi cha Yanga kinaelekeza nguvu zake kwenye ligi kuu ya NBC
Jumanne, April 01 Yanga itaondoka jijini Dar es salaam kuelekea mkoani Tabora wanakokabiliwa na mchezo dhidi ya Tabora United utakaopigwa Jumatano katika uwanja wa Ali Hassan Mwinyi
Wananchi wanakwenda Tabora wakiwa dhamira ya kulipa kisasi dhidi ya walina asali hao ambao mchezo wa kwanza uliopigwa jijini Dar es salaam walipata ushindi wa mabao 3-1 dimba la Azam Complex
Baadhi ya maafisa wa Yanga alikuwemo Meneja wa Habari na Mawasiliano Ali Kamwe, wametangulia Tabora kwa ajili ya hamasa na kusajili mashabiki na wanachama wapya
Hii ni mechi ambayo Yanga wanaichukulia kama fainali na hakuna matokeo zaidi ya ushindi ambayo Wananchi watahitaji
