Klabu ya Yanga imemuongeza kocha mkuu wa Yanga Princess Edna Lema kuwa sehemu ya benchi la ufundi katika maandalizi kuelekea mchezo wa ligi kuu dhidi ya Coastal Union utakaopigwa Jumatatu, April 07 katika uwanja wa KMC Complex
Meneja wa Habari na Mawasiliano wa Yanga Ali Kamwe amesema katika mpango wa kuwajengea uwezo zaidi makocha wote wanaozinoa klabu za Yanga, uongozi umeandaa program maalum kwa ajili ya makocha hao kutoka timu ya Wanawake na timu ya vijana
Kwa kuwa ligi kuu ya Wanawake imesimama kwa mwezi mmoja, hivyo ni fursa kwa Lema kushiriki program hiyo
Kamwe amesema Lema atakuwa sehemu ya benchi la ufundi katika mchezo dhidi ya Coastal Union ambapo atashiriki hatua zote za maandalizi kuelekea mchezo huo na atakaa kwenye benchi siku ya mechi
Lema anakwenda kuongeza ufundi kutoka kwenye benchi la kocha Miloud Hamdi
