Kikosi cha Yanga leo kimekamilisha maandalizi yake jijini Dar es salaam kabla ya kuelekea Manyara kuikabili Fountain Gate katika mchezo wa ligi kuu ya NBC ambao utapigwa Jumatatu, April 21 katika uwanja wa Tanzanite Kwaraa
Yanga inatarajiwa kuondoka jijini Dar es salaam kuelekea Manyara wakipitia mkoani Dodoma
Vinara hao wa ligi kuu wakiwa na alama 67 baada ya mechi 25, wamebakisha mechi nne tu za kuhakikisha ubingwa wa ligi unarejea kabatini pale Jangwani
Alama tatu za mchezo dhidi ya Fountain Gate zitaisogeza Yanga karibu kabisa ya kutimiza lengo lake la kutetea ubingwa
Wakati watani zao Simba wakiendelea 'kurundikiwa' viporo, Kocha Mkuu wa Yanga Miloud Hamdi ameweka wazi kuwa hakuna nafasi ya kufanya makosa katika mechi zilizosalia
Kwa jinsi ratiba ilivyo kama Yanga itashinda mechi zote itatwaa ubingwa pasipo kujali matokeo ya watani zao
Ikumbukwe pia Yanga imeweka msimamo, inazipigania alama tatu za mchezo dhidi ya Simba uliopaswa kupigwa March 08 lakini haukufanyika
Yanga ina matumaini ya kushinda kesi yake iliyofungua CAS dhidi ya mamlaka za usimamizi wa soka nchini (TFF, TPLB) pamoja na klabu ya Simba
