Kikosi cha Yanga leo kitashuka dimba la Gombani, Pemba kuikabili Zimamoto katika mchezo wa nusu fainali kombe la Muungano
Baada ya Azam Fc kuondoshwa na JKU jana katika michuano hiyo, Yanga ndio timu pekee iliyobaki kutoka Tanzania Bara
Wananchi watatinga fainali endapo watashinda mchezo huo utakaopigwa saa 1:15 usiku. JKU tayari imetangulia fainali ikisubiri mshindi wa mchezo wa leo
Yanga imeichukulia michuano hii kwa uzito mkubwa ikitumia kikosi chake kamili ukiondoa wachezaji wachache ambao baadhi yao ni majeruhi
Yao Kouassi na Khalid Aucho ni majeruhi huku Clatous Chama, Prince Dube na Duke Abuya wakikosa mchezo wa robo fainali kwa ruhusa maalum. Nyota hao walitarajiwa kuungana na kikosi kuelekea mchezo wa leo
Yanga iko katika kampeni ya kuwania mataji manne msimu huu wakiwa tayari wanayo Ngao ya Jamii kabatini
