Kikosi cha Yanga leo kitashuka dimba la Gombani, Pemba kumenyana na JKU katika mchezo wa fainali ya Kombe la Muungano
Ni mechi ya kuhitimisha michuano hiyo ambayo msimu huu ilishirikisha timu nane
Wananchi wana nafasi ya kuweka taji la pili kabatini katika msimu ambao Meneja wa Habari na Mawasiliano Ali Kamwe ametamba kuwa watahakikisha wanabeba kila kombe la ndani ambalo timu hiyo inashiriki
Yanga ndio mabingwa wa Ngao ya Jamii, michuano waliyotwaa katika uzinduzi wa msimu huu na hivyo leo wana nafasi ya kutwaa taji la Muungano ambalo litakuwa la 7 katika historiia yao ya kushiriki michuano hiyo
Hata hivyo ni wazi haitakuwa mechi nyepesi. Matokeo ya mchezo wa nusu fainali dhidi ya Zimamoto yamewakumbusha Wananchi watakuwa na kazi kurejea na taji hilo Bara
Mchezo unatarajiwa kupigwa saa 1:15 usiku
