Baada ya mchezo wa ligi kuu dhidi ya Namungo Fc ambao utapigwa Jumanne, May 13 katika uwanja wa KMC Complex, Yanga itasubiri zaidi ya mwezi mmoja kuhitimisha mechi zake mbili zitakazokuwa zimebaki kwenye ligi
Mechi mbili za mwisho ni dhidi ya Tanzania Prisons (Mbeya) Juni 18) na dhidi ya Dodoma Jiji (Dar) Juni 22
Kocha Mkuu wa Yanga Miloud Hamdi amesema mechi dhidi ya Namungo Fc siku ya Jumanne ni kama fainali kwani wanahitaji kushinda ili kuwa katika nafasi nzuri na kumaliza vyema mechi hizo mwezi ujao
"Tunakwenda kucheza mechi muhimu dhidi ya Namungo Fc siku ya Jumanne. Hatuna nafasi ya kufanya makosa kwani wapinzani wetu katika mbio za ubingwa wanasubiri tukosee ili wanufaike"
"Tunajua haitakuwa mechi rahisi lakini wachezaji wangu wanafahamu tunahitaji kushinda mchezo huu," alisema Hamdi
Habari njema kwa Yanga kuelekea mchezo huo ni kurejea kikosini kwa wachezaji Khalid Aucho na Pacome Zouzoua ambao walikosa mechi kadhaa za nyuma wakiwa majeruhi
Yanga pia inaweza kupata huduma ya wachezaji kama Prince Dube, Duke Abuya na Clatous Chama ambao walikosekana katika kikosi kilichotwaa taji la Muungano mapema mwezi huu
Yanga iko kileleni mwa msimamo wa ligi ikikusanya alama 70 huku wapinzani wao Simba wakiwa nafasi ya pili na alama 69
