Wakati Yanga ikiingiza takribani Tsh Bilioni 2 baada ya kumuuza kiungo mshambuliaji Stephane Aziz Ki, yawezekana Wananchi bado watafanya biashara zaidi katika dirisha lijalo la usajili
Taarifa kutoka ndani ya uongozi wa Yanga imedokeza kuwa mlinda lango Djigui Diarra na mshambuliaji Clement Mzize ofa zao zinafanyiwa tathmini
Awali Mzize alikuwa kwenye mchakato wa kujiunga na Wydad Athletic sambamba na Aziz Ki lakini imeelezwa kuwa Yanga imepokea ofa nono zaidi kwa Mzize kutoka klabu nyingine ndani ya Afrika na Ulaya
Kwa upande wa Diarra, kuna ofa kutoka klabu za Arabuni lakini pia Kaizer Chiefs inayonolewa na kocha wa zamani wa Yanga Nasreddine Nabi, wameonyesha nia ya kumsajili
Chiefs pia walimuhitaji Mzize, mapema mwaka huu Nabi alisafiri mwenyewe Tanzania kufanya mazunguzo na uongozi wa Yanga
Kama Yanga itamruhusu Diarra kuondoka ni wazi mrithi wa nafasi yake atakuwa Mnigeria Amas Obasogie ambaye anaitumikia Singida Black Stars
Wakati Singida BS wanamtambulisha Obasogie, walibainisha kuwa nyota huyo wa zamani wa Fasil Kenema ya Ethiopia ambaye pia yuko kwenye kikosi cha timu ya Taifa ya Nigeria, walimsajili kwa makubaliano maalum na Yanga
Ni wazi Yanga itakuwa busy katika dirisha lijalo la usajili litakalofunguliwa Julai 1
