Mchambuzi wa video wa Klabu ya Yanga SC, Mpho Maruping, amechukua hatua nyingine ya kukuza taaluma yake jijini Barcelona, Hispania, akihudhuria mafunzo maalum ya uchambuzi wa video katika soka.
Kwa mujibu wa taarifa rasmi iliyotolewa na klabu ya Yanga, Maruping atashiriki mafunzo hayo katika chuo maalum cha FC Barcelona, chenye hadhi ya kimataifa katika utoaji wa elimu ya soka la kisasa.
Mafunzo hayo yamelenga kuboresha ujuzi wa wataalamu wa uchambuzi kwa kutumia teknolojia ya kisasa ya video na takwimu.
Maruping, ambaye hapo awali aling’ara katika ligi kuu ya Afrika Kusini (PSL) akiwa mchezaji wa timu kadhaa, amekuwa sehemu ya benchi la ufundi la Yanga zaidi ya misimu miwili sasa, akichangia kwa kiwango kikubwa katika maendeleo ya kiufundi ya timu hiyo.
Kuhudhuria kwake mafunzo haya kunatazamwa kama fursa ya kuongeza maarifa ambayo yatasaidia kuimarisha zaidi safu ya kiufundi ya Yanga, ambayo imekuwa na mafanikio makubwa katika misimu ya hivi karibuni
