Mshambuliaji Kennedy Musonda raia wa Zambia amewaaga mashabiki na wanachama wa Yanga baada ya miaka miwili na nusu ya kuwatumikia Wananchi
Mkataba wa Musonda umefika tamati ambapo katika misimu miwili na nusu ametwaa mataji matatu ya Ligi na Kombe la FA pamoja Ngao ya Jamii mara mbili
Kupitia ukurasa wake wa mtandao wa kijamii, Instagram ameandika ujumbe wa kutoa shukrani na kuwaaga mashabiki
"Wananchi, sijui niseme nini? Mmekuwa bora kwangu, kwa familia yangu na kwa ndoto yangu. Asante kwa kucheka na mimi, kuota na mimi, kushinda na mimi, na pia kulia na mimi"
"Mtu fulani alisema kila hadithi nzuri lazima ikome, milele ntashukuru naondoka naenda kujaribu maisha sehemu nyingine," aliandika
Akiwa Yanga, Musonda ameifungia mabao 34 na kutoa asisti 13 na kufika fainali ya Kombe la Shirikisho na robo fainali ya ligi ya mabingwa Afrika.
