Uongozi wa klabu ya Yanga, leo saa 5 asubuhi watazungumza Wanachama na Mashabiki wao kupitia Mkutano na Wanahabari ambao utafanyika Makao Makuu ya klabu hiyo, Jangwani
Katika Mkutano huo, Yanga inatarajiwa kuzindua kampeni kubwa ya Wanachama na Mashabiki iliyopewa jina la TOFALI LA UBINGWA
Kupitia kampeni hiyo, kila Mwanachama anatakiwa kulipia ada yake ya mwaka, zoezi hilo likienda sambamba na kusajili Wanachama wapya
Meneja wa Habari na Mawasiliano wa Yanga Ali Kamwe amesema lengo la Yanga ni kusajili Wanachama Milioni 1 na wote walipie ada zao ili kuiwezesha Yanga kutimiza malengo yake ya msimu ujao
"Malengo ni kupata matofali milioni 1 kwa Wanayanga watakaolipia Ada zao kwa njia ya Kimtandao. Tukifanikisha hili, Tutakuwa tumefanikisha mambo makuu mawili Wanayanga wenzangu"
"Moja tutakuwa Tumepata hela ya kufanya usajili mkubwa utakaotupa timu bora zaidi ya ilivyokuwa Msimu huu"
"Pili tutakuwa tumepata bajeti nzuri ya kuiwezesha Yanga yetu kushindana kikamilifu katika mashindano yote (ya ndani na yale ya CAF). Tofali la ubingwa linauzzwa Tsh 24,000/-," alisema Kamwe
