Kiungo Mohammed Doumbia ambaye anatajwa kusajiliwa na Yanga katika dirisha hili, alikaa nje ya kiwanja kwa zaidi ya mwaka mmoja
Nyota huyo aliyewahi kuzitumikia FC Majestic ya Burkina Faso na Slovan Liberec ya Jamhuri ya Czech, alikuwa kwenye mgogoro na mkubwa na 'management' yake
Aliyefanikisha ujio wa kiungo huyo ni Stephanie Aziz Ki ambaye wakati yuko kwenye mchakato wa kujiunga na Wydad alimwambia Rais wa Yanga Injinia Hersi Said kuhusu ubora wa Doumbia pamoja na kuwa amekaa nje ya uwanja kwa muda mrefu
Baada ya kupewa taarifa, Hersi akawasiliana na mchezaji na kuandaa taratibu za kumsafirisha kuja Dar es Salaam
Doumbia alipokelewa vizuri na kwa bahati nzuri alifika siku ambayo klabu ilikuwa na session ya mazoezi jioni katika uwanja wa Avic Town
Mchezaji huyo akapewa nafasi ya kufanya mazoezi na wenzake pale Avic Town, hadithi ya kusajiliwa kwake ikaanzia hapo
Uwezo aliokuwa akionyesha mazoezini sio tu ulimfurahisha aliyekuwa kocha wa Yanga wakati huo Miloud Hamdi bali hata wachezaji wenzake walivutiwa nae na hata kupendekeza asajiliwe
Doumbia ni kiungo kiraka ambaye anaweza kutumika katika eneo lolote kati yaani namba 6, 8 na hata namba 10
Doumbia anafananishwa na kiungo wa zamani wa Barcelona na Manchester City Yaya Toure, ana nguvu, kasi na maarifa anapokuwa na mpira mguuni
